Në emisionin “Opinion” të Klan, Adriatik Lapaj, lider i Lëvizjes “Shqipëria Bëhet”, theksoi se nuk ka synim të kandidojë për Bashkinë e Tiranës. Ai nënvizoi se fokusin e ka te transformimi në nivel kombëtar dhe jo në politikën lokale.
Lapaj refuzoi bashkëpunimin me opozitën për një kandidat të përbashkët, duke theksuar se procesi nuk po procedohet si duhet dhe se kandidati duhet të jetë i pavarur, jashtë partive politike.
“Përfaqësimi në Bashki nuk është prioriteti im; ndryshimi i vërtetë ndodh në Kuvend,” tha Lapaj, duke rikujtuar se reforma dhe transformimi i sistemit politik janë më të rëndësishme se garat lokale.
